ვაკანსია: სათემო ოფიცერი

არასამთავრობო ორგანიზაცია “თანასწორობის მოძრაობა” 2011 წლიდან აქტიურად მუშაობს კვლევითი, აკადემიური, ადვოკატირების და საზოგადოების ცნობიერების ამაღლების მიმართულებით. მისი მიზანია ლგბტქ+ თემის საზოგადოებაში სრულფასოვანი ინტეგრაცია, მათთვის ჯანდაცვის სერვისებზე ხელმისაწვდომობის გაზრდა და საზოგადოებაში არსებული ჰომოფობიური და სექსისტური განწყობების შემცირება. ორგანიზაცია სამიზნე აუდიტორიას სთავაზობს იურისტის, ფსიქოლოგის, სოციალური მუშაკის უფასო კონსულტაციებს. ასევე, აივ-ტესტის, სელფ-ტესტის, პრეპის და პეპის პროგრამებს.

“თანასწორობის მოძრაობა” აცხადებს ვაკანსიას სათემო ოფიცერის შესარჩევად. 

სამუშაო ადგილი: თბილისი

სამუშაო დატვირთვა: არასრული – 75% (კვირაში 4 დღე)

ანაზღაურება: 1700,00 ლარი, საშემოსავლო გადასახადის (20%) და საპენსიო შენატანის (2%+2%) ჩათვლით (გათვალისწინებულია დამატებითი საბონუსე ანაზღაურება, შესრულებული სამუშაოს შესაბამისად)

გამოსაცდელი ვადა: 3 თვე

ფუნქცია / მოვალეობები:

• ბენეფიციარების მოძიება, აივ ინფექციის და სქესობრივი გზით გადამდები სხვა ინფექციების პრევენციისა და აივ ინფექციის ექსპოზიციის წინა პროფილაქტიკის (PrEP) პროგრამის შესახებ მათი კონსულტირება; 
• ორგანიზაციის რესურს-ცენტრსა და/ან ინფექციური პათოლოგიისა და შიდსის ცენტრში ბენეფიციარების თანხლება/ტრანსპორტირება;
• ბენეფიციარების ანონიმურობის, კონფიდენციალურობის დაცვა ეთიკის ნორმების, ორგანიზაციის შიდა სტანდარტების, მათ შორის, ეთიკის კოდექსის და საქართველოს მოქმედი კანონმდებლობის შესაბამისად;
• შესაბამისი დოკუმენტების მომზადება და ანგარიშგება პროექტის მენეჯერთან/უშუალო ხელმძღვანელთან;
• საინფორმაციო/საგანმანათლებლო შეხვედრებისა და პაციენტთა სკოლების მომზადებაში მონაწილეობა და ბენეფიციარების მოწვევა და  მობილიზება;
• პროგრამის ფარგლებში მიმდინარე და დაგეგმილი ღონისძიებების შესახებ სამიზნე პოპულაციების წარმომადგენელთა ინფორმირება და კონსულტირება ონლაინ აუთრიჩის გზით

პიროვნული უნარ-ჩვევები და დამატებითი სასურველი მოთხოვნები:

• მაღალი მგრძნობელობა მოწყვლადი ჯგუფების მიმართ;
• სამუშაოს დაგეგმვის და ორგანიზების უნარი;
• დროის ეფექტურად მართვის უნარი;
• დამოუკიდებლად მუშაობის უნარი;
• სიზუსტესა და დეტალებზე ორიენტირების უნარი;
• ინფორმაციის/მონაცემთა ანალიზის უნარი;
• გუნდურად მუშაობის უნარი;
• სასურველია ინგლისური ენის საკომუნიკაციო დონეზე ცოდნა

სასურველია ავტომობილის ყოლა და მართვის მოწმობა.

შერჩეული კანდიდატი გაივლის შესაბამის ტრენინგ-მოდულს.

კონკურსის ეტაპები:

• განცხადებების გადარჩევა;
• გასაუბრება.

განცხადების მიღების ბოლო ვადა: 13 ოქტომბერი, 2026 წელი – 23:59 საათი

დაინტერესებულმა პირებმა, გთხოვთ, მოგვაწოდოთ CV შემდეგ მისამართზე: hr@equality.ge  სათაურის ველში, გთხოვთ, მიუთითოთ ვაკანსიის დასახელება „სათემო ოფიცერი – თბილისი“, წინააღმდეგ შემთხვევაში, თქვენი განაცხადი არ განიხილება.