დავით კახაბერის საჯარო ლექცია გენდერული დისფორიის შესახებ

პარასკევს, 21 სექტემბერს, 19:00 საათზე, თანასწორობის მოძრაობაში გაიმართება ღონისძიება გენდერული დისფორიის შესახებ.

შეხვედრაზე ფსიქოთერაპევტ დავით კახაბერთან ერთად, ვისაუბრებთ გენდერული დისფორიის შესახებ და ვეცდებით ვნახოთ, როგორ იცვლებოდა მიდგომები გენდერისა და სექსუალობის შესახებ ფსიქიატრიაში.

დისფორია ბერძნული სიტყვაა და იმ დისკომფორტს აღწერს, რაც შეიძლება ჩვენს ძნელად ასატან მდგომარეობას უკავშირდებოდეს. ეს ტერმინი მოუსვენრობისა და უკმაყოფილების გამომხატველია. ფსიქიატრიისთვის ასეთი მდგომარეობა ფსიქიკური ჯანმრთელობის პრობლემას წარმოადგენს. ერთ საუკუნეზე მეტია, რაც გენდერისა და სხეულის შეუთავსებლობით განპირობებული დისფორიაც დაავადებად ითვლებოდა. თუმცა მრავალი აკადემიური კვლევის და აქტივისტების თავდადებული ბრძოლის შედეგად გენდერული დისფორია ამერიკის ფსიქიატრთა ასოციაციამ და მსოფლიო ჯანდაცვის ორგანიზაციამ დაავადებათა კატალოგიდან ამოიღეს.