არვ თერაპია -ხშირად დასმული კითხვები

მსოფლიოში ჩატარებულმა რამდენიმე ფართომასშტაბიანმა კვლევამ
აჩვენა, რომ თუ აივ-დადებითი პირი არვ მკურნალობაზე იმყოფება
და მის სისხლში ვირუსული დატვირთვა არაგანსაზღვრადია, აივ ინფექციის გადაცემის შანსი არ არსებობს. კვლევის ფარგლებში 89,000 დაუცველი აქტიდან აივ-ინფექციის გადაცემის არცერთი შემთხვევა არ დაფიქსირებულა. ამ ყველაფერს მარტივი ახსნა აქვს - როდესაც ადამიანი
არვ მკურნალობას იტარებს, მის სისხლში და ბიოლოგიურ სითხეებში (სპერმა, პრეეაკულაციური სითხე) ვირუსი იმდენად მცირეა, რომ ეს რაოდენობა არ არის საკმარისი სხვა ადამიანის დასაინფიცირებლად. თუ 6 თვის განმავლობაში ან უფრო დიდხანს იმყოფები არვ მკურნალობაზე
და გაქვს არაგანსაზღვრადი ვირუსული დატვირთვა, დაუცველი სქესობრივი კავშირის დროს შენგან აივ-ინფექციის გადაცემის შანსი 0%-ს უდრის. სანამ ვირუსული დატვირთვა არაგანსაზღვრადი გახდება, აუცილებელია გამოიყენო კონდომი, შენმა პარტნიორმა კი - პრეპი. თუ რეგულარული პარტნიორი არ გყავს, უმჯობესია ისეთი პარტნიორი შეარჩიო, რომელიც
პრეპს მოიხმარს

ადამიანების 90%-ში, რომლებიც იმყოფებიან მკურნალობაზე, ვირუსი არაგანსაზღვრადი საშუალოდ 3-დან 6 თვემდე პერიოდში ხდება. ეს დრო კი დამოკიდებულია იმაზე, თუ რამდენი ერთეული იყო ვირუსი ორგანიზმში მანამ, სანამ პირი მკურნალობას დაიყწყებდა. სწორედ ამიტომ არის მნიშვნელოვანი დროული გამოვლენა და 3  ან 6 თვეში ერთხელ ტესტირება აივზე.

როგორც უკვე აღინიშნა, აივ ინფექცია ქრონიკულად მართვადი დაავადებაა. ვირუსული დატვირთვის გაზრდა კი შესაძლოა მედიკამენტოზურ რეზისტენტობაზე  მიუთითებდეს. ასეთ დროს ექიმი თავად მიიღებს გადაწყვეტილებას და ეფექტურ გამოსავალს იპოვის.

თუკი ვირუსი 200 ერთეულს არ სცილდება, პირი არაგანსაზღვრადი ვირუსის მატარებელია და ამ დროს ვირუსის სხვისთვის გადაცემა არ ხდება.

კონდომის გამოყენება ყოველთვის კარგი აზრია, ვინაიდან, ის ყველა სახის სქესობრივი გზთ გადამდები დაავადების პრევენციას ახდენს. როგორც უკვე ვთქვით, პირისგან, რომელიც არაგანსაზღვრადი ვირუსული დატვირთვის მატარებელია, აივ ინფექცია ვერ გავრცელდება, თუმცა აივ ინფექციის გარდა სხვა სქესობრივი გზით გადამდები დაავადებებიც არსებობს, რომლის გადადების შანსიც, რა თქმა უნდა, არსებობს დაუცველი, მით უმეტეს, შემთხვევითი კონტაქტების დროს.

არაგანსაზღვრადი ვირუსული დატვირთვისას  ერთი აივ-დადებითი პირიდან მეორესთვის ახალი შტამის  გადადების ალბათობა ფაქტობრივად არ არსების, მაგრამ არსებობს სხვა სგგდ დაავადებების გადაცემის რისკი. ამიტომ, კონდომის გამოყენება ისევ და ისევ რეკომენდებულია.

ამ შემთხვევაში გააჩნია დაავადების ტიპს და იმას, იმყოფება თუ არა პირი არვ მკურნალობაზე. თუკი პირი არ იმყოფება მკურნალობაზე, დიახ.  ეს  სავარაუდოდ იმოქმედებს ვირუსულ დატვირთვაზე. მაგალითისთვის სიფილისს შეუძლია  გაზარდოს ვირუსული დატვირთვა.

მნიშვნელოვანია რეგულარული შემოწმება სგგდ დაავადებებზე და მკურნალობის დროულად დაწყება.

არა. ჯერჯერობით აივ ინფექცია ქრონიკული დაავადებაა და ის მუდმივ კონტროლსა და ყოველდღიურად მედიკამენტის მიღებას საჭიროებს. ვირუსული დატვირთვის დაქვეითება სწორედ  მედიკამენტების მუდმივი კონცენტრაციით მიიღწევა სისხლში და მისი შეწყვეტის შემდგომ,  ვირუსი კვლავ დაიყებს გამრავებას.

ეს ძალიან ინდივიდუალურია. თუმცა, ვირუსული დატვირთვა ყველაზე ხშირად 3 ან 4 თვეში ერთხელ მოწმდება.

საქართველოში არვ თერაპია და ყველა ზემოთ აღწერილი სამედიცინო სერვისები უფასოა  და მას ინფექციური პათოლოგიისა და შიდსის ცენტრი უზრუნველყოფს.